Број 2864  среда, 17 декември 2008
прва страница Архива контакт редакција маркетинг претплата
Втора страница
На прво место
Политика
Македонија
Економија
Хроника
Едиторијал
Мислења
Писма
Свет
Култура
Спорт
Скопје
Забава
Некролог
Хороскоп
Што прават денеска

Претходен број


Site Meter

ЕДИТОРИЈАЛ

Каде беше премиерот Груевски

Тамара Грнчароска

По онаа скандалозна епизода на поранешниот грчки министер за надворешни работи, Теодорос Пангалос, кој пред десетина години ги нарече членовите на партијата Виножито на македонското малцинство во Грција мала група хомосексуалци, Скопје виде уште еден срам кога бугарскиот премиер Сергеј Станишев се подбиваше со членовите на ОМО „Илинден“ -ПИРИН, партијата на македонското малцинство во Бугарија, нарекувајќи ги луѓе кои само сакаат да бидат во центарот на вниманието. Изјавите во стилот на познатите реторики и политики на двете земји спрема македонското прашање немаше толку да фрапираат доколку не беа искажани тука, во Скопје.

Но, моментот што најмногу иритира во сето тоа е што македонските домаќини и тогаш (шефот на дипломатијата Александар Димитров) и сега (премиерот Никола Груевски), беа само неми статисти на изјавите на понижување и подбивање со деловите од нашиот народ и нивните права во двете авторитарни (во поглед на малцинските прашања) држави - Грција и Бугарија.

На Станишев, кој во понеделникот барањето за политичко дејствување на Македонците во Бугарија го сведе на обичен егзибиционизам и психолошки проблем за желба за медиумско внимание на лидерите на ОМО „Илинден“ - ПИРИН, кои, како што рече, и да се регистрираат на изборите би освоиле многу малку гласови, му се дозволи да не добие одговор на тоа со контрааргументи.

Му се дозволи во државата чија нација и јазик Бугарија не ги признава, чии култура и историско наследство ги присвојува, да не му се каже, со најдипломатски речник, дека така не се градат добри меѓудржавни односи. Да не се потсети на меѓународните декларации за правата на малцинствата и за човековите права.

Да не му се „укаже“ на дипломатското правило за почитување на државата и нацијата во чија посета беше дојден. И сето тоа во духот на доброседските односи и нивен реципроцитет, што Станишев го побара од Македонија.

Но, македонскиот премиер остана нем. Груевски кој, особено измината година, својата надворешна политика ја гради токму врз патриотизмот и зачувувањето на македонската нација, јазик, култура, правото на еден народ за самоопределување и самоодржување, пред бугарскиот премиер како да го заборави сето тоа. Или можеби таа политика е само за домашна употреба, во функција на популизмот и рејтингот на власта? Едноставно кажано, патриотизам на хартија.

Зошто лидерот на партијата и на Владата сега не испрати писмо до генералниот секретар на ОН, до ЕУ, до другите меѓународни организации, за да им раскаже какви права уживаат Македонците во Бугарија, како што раскажуваше за правата на Македонците во Грција. Зарем Македонците во Бугарија се помалку Македонци од оние во Грција?

Од сето ова произлегува дека интересот на македонските власти за правата на своето малцинство, во една или во друга држава, е различен, во зависност од целта која треба да ја постигне со тоа. Македонците во Грција му послужија на Груевски во спорот околу името. Со Бугарија не се спориме околу името и таа засега не не' блокираше во НАТО и во ЕУ. Значи, Македонците во Бугарија не му требаат на Груевски.

Пред десетина година владата на Љупчо Георгиевски, чиј министер беше Груевски, написмено се откажа од своето малцинство во Бугарија во име на добрососедските односи. Целта на Георгиевски подоцна се покажа повеќе од јасна кога тој доби бугарско државјанство.

Сега Груевски, како актуелен премиер, би морало да ја каже целта на своето молчење во понеделникот, со кое Македонија по вторпат се откажа од Македонците во Бугарија. Било тоа да се државни или лични.


Статијата е прочитана 574 пати.

Испрати коментар

Од: sandra
Датум: 17.12.2008 00:08:10
od koj baras odgovori be tamarke sto te gledam cudna. za mnogu pokrucijalni praanja nema odgovori pa za ova. nego ne znam dali zaslepenite uste li se narekuvaat patriotchinja a sdsmovcite se neli predavnicite. frcea pisma togas za egejcite ne deka go zabole uvo za niv nego da odvlekuva vnimanie, da sobira poeni i dopolnitelno da go minira procesot za pregovori. kaj se sega egejcite? i pari uste nie danocnite obvrznici davame da im se plakaat advokati a oni si ziveat po strantsvo ja ke im plakam. jzk na tie sto gi glasaa , kaj nesposobni se pokaza i patrioti ne se. zatvoraat eks premier a dzemaili ne moze da go najdat, ja tuzat rada pa ne se pojavuvaat. menuvaat i tuzat novinari, a be se sprdaat so site ovie nepismeni
Од: Makedonec vo EU
Датум: 17.12.2008 00:30:44
Gruevski e premier na drzava sto nadvor od nejzinite granici se vika FYROM, i toj nema nikakva namera da ja podobri ovaa situacija. Zarem moze bilo sto da se komentira za negovoto dostoinstvo?
Од: Itar Pejo
Датум: 17.12.2008 00:32:33
Ah, Nikola, Nikola! Ah, VMRO, VMRO ! Makedonskiot identitet mivka li e za vas ? Strizete gi vmr-ovcite sto glasaa za vas.

Најди! во Утрински
Барај со НАБУ
Насловна
Син го убил татка си со секира
Зимата од Европа ќе дојде и кај нас наредните денови
Зденко
Претходен број
Следната 2009 ќе биде тешка година
Зелени рецепти
Десет милиони долари за чевелот фрлен кон Буш
Вербатим
Владата подготвува нови реклами
ЕЛЕМ пак ќе купува струја за не дај боже
Политиката и затворите
ОМО „Илинден“-ПИРИН го прозва Станишев
Чешка го враќа Западен Балкан на агендата
Карикатура
Прилепските сарми во битка за Гинис