Што прават денеска

Жаклина Маневска

- сликарка

Повторно сум во Скопје, утрово слетувам од Лондон и имам цел список на работи што треба да ги завршам за оваа недела додека сум во родниот град. Пред се', да се видам со најдрагите, мајка ми, тетка ми, пријателите... Адаптирањето по навика ми е брзо и веќе попладне сум на стар колосек и одам на кафе да видам и да слушнам за новитетите во Скопје.

Последниве два месеца некако многу им се радувам на викендите. Овој ќе и' го посветам на ќерка ми. Претпладне ќе прошетаме во потрага по нови чевли, по ручекот, ќе погледнеме филмче или ќе свртиме партија карти, а навечер (со оглед дека ме „откачува“ и излегува со другарките), олабавено ќе преслушувам музика, ќе одиграм некоја „Фејсбук“ игра или со соседите ќе „удриме“ прогнозерски муабети во некоја обложувалница.

Викендов планирам да пишувам текст за новиот флаер што треба да го печатиме за „Визија“. Треба да е кус, сугестивен и моќен, се надевам дека брзо ќе го завршам. Останатото време ќе го поминам со мајка ми и ќерка ми надвор, шетајќи низ градов, бидејќи најавуваат топло време.