Што прават

Фимка Шопова-Темова

- организаторка на „Виноскоп“

Утре почнува „Виноскоп“ - фестивалот на виното, па секогаш пред почетокот е најголемиот креативен хаос. Извесно е дека во 11 ч. во просториите на Градското собрание на Скопје, ќе одржиме прес-конференција, а потоа повторно во набавки и други организациски подготовки.

Дејан Секуловски

- архитект

По напорното работно лето, кое заврши со отворањето на „Скопје сити мол“, од денес почнуваат подготовките за мојот летен одмор. Вечерта е резервирана за дружење со моите средношколски пријатели во чест на еден наш другар кој живее во Чиле, а деновиве е во нашиот град.

Даниел Николовски

- стилист

Според мене, онака како што почнува денот, во тоа темпо и продолжува да тече, па затоа се обидувам максимално да се релаксирам. Наутро - еден голем филџан кафе, по што следуваат работните обврски кои најчесто траат и повеќе отколку што треба... Сепак, на крајот од денот наоѓам време за најблиските без кои не можам да функционирам.