Utrinski Vesnik

Број 3347 сабота, 31 јули 2010

прва страница

Архива

Економија

Српската валута падна до нов рекорд

Белград - И покрај завчерашната интервенција на Народна банка на Србија од 20 милиони евра, динарот вчера по еднодневното заздравување, повторно ослабна во однос на еврото, и тоа за 26 пари, или 0,25 отсто. Така, официјалниот среден курс изнесуваше 106,2256 динари за евро, што е историски најниска вредност на српската валута во однос на европската. Централната банка завчера продаде 20 милиони евра од девизниот пазар за да ја ублажи дневната прекумерна осцилација на курсот.

Од почетокот на годината Централната банка на Србија има продадено вкупно 1,65 милијарди евра, пресметувајќи ја и вчерашната интервенција.

Во Народната банка на Србија вчера беше извршено примопредавањето на должноста гувернер на централната банка и притоа новиот гувернер Дејан Шошкиќ истакна дека еден од неговите приоритети ќе биде засилување на довербата во динарот и „финото нагодување на монетарниот систем“. (Ек.Р.)

Статијата е прочитана 850 пати.

Испрати коментар

Од: gimi
Датум: 31.07.2010 02:00:30

Напишете нешто и за Македонската валута. На пример кога денарот последен пат девалвирал, чија заслуга е тоа, дали односот на денарот и динарот пред 7-8 години беше еден спрема еден, а сега е еден спрема два, зошто е тоа така и тн.

Од: Vlach
Датум: 31.07.2010 03:20:53

Смешно е да напишете дека Централната банка продала толку и толку евра ОД девизниот пазар. Нема никаква логика. Централната банка на Србија продала 20 мил евра НА девизниот пазар, со тоа ја зголемила понудата на евра и се обидела да изврши притисок да под зголемена понуда на евра се намали неговата вредност во Србија, т.е. курсот.