Што прават денеска

Кристијан Стефановски

„План Б продукција“

Време е за големото финале - денот кој со нетрпение го очекувавме цело лето. Се' е во знак на вечерашниот концерт „Кад би био бијело дугме“ и настапот на тројцата легендарни пејачи Тифа, Ален и Жељко, со почеток во 20 ч. Очекувам голема посетеност на стадионот „Билјанини извори“ во Охрид и атмосфера каква што знаат да направат само пејачите на „Дугме“.

Љупка Наумовска

Маркетинг-менаџерка во „Бимилк“

Ден за одмор. По успешно завршените дневни деловни обврски во Белград, денес сум дома во кругот на најблиските. Ќе уживам во утринското кафе и во олабавената атмосфера, малку ќе истражувам на Интернет, за навечер да го заокружам релаксираниот ден во некое скопско кафуле.

Кристијан Јованов

пејач

Денеска ќе испочитувам еден стар обичај што се практикува кај нас непосредно пред големиот празник Илинден. Заедно со другарите уште рано наутро заминуваме на Плачковица каде што ќе останеме цел ден. Секако, се подготвува скара, пијалак, има добра забава и дружење, кое продолжува вечерва со диџеј-забави во ноќните часови.