Пет години затвор за обид за убиство

ТЕТОВО - Мухамед Хасани (29) од Тетово е осуден на пет години затвор поради обид за убиство. Тоа е прва првостепена пресуда донесена во Основниот суд во Тетово. Хасани, за време на главниот претрес, не го признал делото.

Обвинението го товареше Мухамед Хасани дека делото го сторил на 1 декември 2007 година, околу пет часот на излезот од Тетово кон Гостивар. Заедно со Бесим Б. се сретнале со Беќир Е. (36) и со Ферид И. (40), со кого почнале вербална расправија. Хасани извадил пиштол што бесправно го поседувал и истрелал повеќе куршуми. Беќир и Ферид се здобиле со прострелни рани во рака и во нога, а Мухамед побегнал. (Г.Е.)