ВИЕНА - Полицијата повикана во резиденцијата на либанскиот амбасадор во Австрија пронајде женско тело во подрумот. Жената најверојатно била избодена со нож до смрт. Полицијата не го обелодени името на жртвата, но верува дека била 30-годишната филипинска домаќинка на куќата. Тие наведуваат дека телото на кое имало неколку убодни рани, било пронајдено од готвачот, единственото лице во резиденцијата. Портпаролката на виенската полиција изјави дека амбасадорот Ишаја Ел Кури моментално е надвор од државата. Портпаролката за Ројтерс изјави дека иследниците го пребаруваат местото на злосторството и земаат изјави од очевидци. (Ројтерс)
