Биста на Пушкин во парк во Кисела Вода
По повод 210 години од раѓањето на рускиот поет Александар Сергеевич Пушкин, на улицата „Пушкинова“ во општина Кисела Вода ќе се реновира „Паркот на Пушкин“ и ќе се постави бронзена биста на поетот, во висина од еден метар од авторот Леонид Ватњик. Бистата, тешка 145 килограми, ќе биде поставена на постамент висок два метра. „Паркот на Пушкин“, покрај биста на поетот, ќе има и бина, клупи и 40 канделабри, а симболично во паркот ќе се засадат и брези. Проектот, дело на Љубомир Гиговски, треба да заврши до 6 јуни, на роденденот на Пушкин. (МИА) |
