Македонските филателисти на европската изложба во Софија
Најпознатите филателисти од Македонија со своите колекции ќе учествуваат на европската филателистичка изложба „Софија 2009“, што ќе се одржи од 27 до 31 мај. На изложбата ќе настапат колекционери од 38 држави во Европа.
Комесар на изложбата од Македонија ќе биде Горан Стефановски. Во организација на Филателистичкиот сојуз на Македонија, во Софија ќе настапат шестмина наши најпознати филателисти со своите збирки.
Горан Стфановски ќе ја претстави својата колекција на марки на тема „Пеперутки“, Горан Чуруковски - „Јаболко“, Синиша Павлевски - „Папагали“, Дончо Георгиев - „Нафта“, Климе Поповски со својата позната колекција „Св. Кирил и Методиј“ и Красимир Трајков на тема „Брана ’Козјак‘“.
Сите овие филателисти досега имаат освоено повеќе медали и награди на најпознатите изложби што ги има организирано Европската филателистичка федерација. (М. М.) |
