СЕЕМО ги осуди нападите на Алсат

Виена/Скопје – Асоцијацијата на медиумите од Југоисточна Европа (СЕЕМО), со седиште во Виена, реагираше во врска со сите инциденти поврзани со телевизијата Алсат М. Во реакцијата на СЕЕМО се наведува дека на 19 ноември предавател на Телевизија Алсат М што го покрива регионот на Куманово и северниот дел на Македонија бил уништен.

Истиот ден на Сува Гора бил оштетен трансформатор, а возачот на телевизијата што пренесувал опрема и за неколку други телевизии бил ограбен. Во овој инцидент била оштетена само опремата на Алсат М.

Од СЕЕМО посочуваат дека во изминатите два викенда сигналот на телевизијата во регионите на Тетово, Куманово и на Гостивар бил периодично попречуван, посебно за време на вестите.

Алсат М во изминатите недели се наоѓа и под притисок на власта, а на 25 и 26 септември новинари и сниматели на телевизијата беа нападнати од полицијата, констатира СЕЕМО. (Макфакс)