Пригоден плик за освојувачите на Монт Еверест

Вчера во просториите на Филателистичкиот сојуз на Македонија на пригодна свеченост на која присуствуваа и д-р Глигор Делев и синот на трагично загинатиот Димитар Илиевски - Мурато, двајцата освојувачи на највисокиот врв на светот Монт Еверест, беше промовиран пригоден плик посветен на двајцата најпознати алпинисти од Македонија. Автори на пликот се Синиша Павлески, претседател на Филателистичкото друштво „Скопје“, и секретарот на друштвото Велимир Тодороски. Пликот со специјален печат е отпечатен во 300 примероци и предизвика големо интересирање кај филателистите.