29.04.2012, 19:06 Асистенција на Пандев против Рома
Горан Пандев забележа една асистенција за 38 минути во игра на гостувањето на „Олимпико“ во Рим, каде што Наполи ремизира 2:2 со Рома. Капитенот на македонската фудбалска репрезентација влезе во игра во 52 минута на местото на стружанецот Блерим Џемаили и му додаде на Единсон Кавани за водство од 2:1 во 67. минута, пред Симплисио да го спаси домаќинот од пораз во 88 мин. Рома поведе со голот на Маркињо во 41. мин., а израмни Зунига во 49. мин.
Со овој бод Наполи се израмни на третото место со Лацио во Серија А. Двете екипи имаат по 55 бода, но римјаните имаат подобра гол-разлика и меч помалку, синоќешниот со Удинезе на гости. Рома е седма со 51. |
