21.04.2010, 19:00 Учебници достапни во електронска форма
Министрите за образование и наука и за информатичко општество, Никола Тодоров и Иво Ивановски, вчера во ОУ „Гоце Делчев“ го промовираа веб-порталот e-ucebnici.mk, на кој во дигитална форма се објавени учебници што можат да се пребаруваат по одделенија, наслови или по автори. Моментално се поставени околу 60 учебници, од кои најбројни се електронските верзии на учебниците за четврто и за седмо одделение, а во иднина порталот ќе се дополнува со нови содржини. Електронските учебници нема да ги заменат печатените учебници.
Министерот Тодоров информираше дека вчера ги потпишал избраните учебници за петто и за осмо одделение според новата програма. Тодоров донел решение за повлекување од употреба на учебникот по хемија за седмо одделение. (МИА) |
